Abhi bhi main job nhi kr rha hun, bs Linkedin pr search hi karta ja rha hu par koi milti hi nhi, kuch din pehle ek interview dene gya tha pr select nhi huya, itne tough question bhi nhi puche they bs mari tayarri hi nahi thi.

Pichle maine hamne MNK se video banvai thi vo video acchi chali hamari , almost saare suit khatam ho gye thy video ke. Toh ab hum new variety lai hai dubara video bannvane ke liye. Kuch din baad ka socha hai video banvane ka.

Ab socha hai video se kuch sale ho toh ek bed khride ge bed tuta pada hai.

Aaj raat nidh mai phone chla rhe thy to Indian post ki booking ka msg aaya , pehle samajh nhi aaya tha kiska hai jb check kiya toh pta chla Malviya nagar se booking hui hai. Fir samaj aaya ye toh Ashu naam ki hai jisne hmse suit liye thy online, fir msg pr keh rhi thy acche nhi lge suit mai toh vapis krugi , is baat ko bhi 10 din ho gye , ab vaapis kr rhi hai.

pta nhi kitne suit vapis kr rhi hai, hamare paas toh paise bhi nhi hai dene ke liye. Isi cheez ko dekkhr nidhi or mera mood kharab ho gya. 

Chlo ye cheez chli bhi jayegi ya toh pese dene pdege ya toh maan jayegi pr ye cheeze jb life me hoti hai toh pta chlta hai koi bhi kaam aasan nhi hai , har kaam me koi na koi problem hoti hai. Hum toh soch rhe hai ki uska parcel accept hi na kre. Lets see kya hota hai 

Pichle maine mai or papa Taj Mahal gye thy, maine ek dum hi plan bna liya tha pehle toh socha rha tha ki akele me hi jayunga pr fir papa ko bhi saath le gya.

Par Jab TajMahal pahucha , vahan ghuma toh itna koi extraordinary feel nhi hua , pta nhi aisa kyu, jab chota tha tab toh feeling aai thi.

Vahan se hum petha bhi laaye thy, acche thy.

Pta nhi life me tarakki kese hogi mera career ka kya hoga.

Pichle 2 week se dhang se paani nhi aa rha hai , bahut dikkat ho rhi hai, pichle hafte beech beech mein paani aa jata tha kisi kisi din , par ab toh bilkul bhi nhi aa rha. Pundeep Uncle se bhar lete hai kabhi kabhi drum. Saath wala padosi toh pipe le aaya tha , saamne valo se tanki bhar lete hai. Ek din ye padosi upar apni  tanki bhar rhe thy, hum bhi apni tanki mein bhar rhe thy, hmne kha bhar kr de dena hme bhi, par tanki bharte hi hmne kha lao hme de do , lekin kehta abhi neeche bharna hai. fir neeche bhar kr paani band krva diya or pipe rakh li.

Darshana aunty bhi drame krti hai , submersible lagi hui hai tab bhi paani naa aane ke naatak, paani bharane me maut padti hai.

Kl hum bhi pipe lekar aaye thy lambi, 1300 rs. ki jab lagai vo puri hi nhi aai, us vakt bhi mujhe bahut gussa aa rha tha.

Fir aaj subah hum or pipe lekar aaye, upar se tanki me tang di, shaam ko hmne pipe saamne vaalo ke peeche fit ki, toh sunil kone vala bola sharma ji hme bhi bharva dena, Gussa us time bahut jayda aaya, 2 hafte se hum pareshan ho rhe hai, tab hme koi pipe deke raaji nahi hai, ab pipe aate hi ye maangne lga.

Us time samne valo ne motor chlu hi nahi ki, main gusse se pipe utar ke le aaya tha. Fir raat ko fir lagai , muskil se 5-10 min. bhra fir inhone band kr di. Papa bell bja kr puch rhe thy baar baar pr ye gate khol ke raaji hi nhi, fir lal chand bola kyu baar baar bell bja rhe ho, us time mein apni chhat pr hi khda tha , bahut zada gussa aaya, rona bhi aaya.

Aaj vese hi ek or baat ka ehsas hua, jese maine papa ko jio phone diya hua hai , recharge pack costly hone ke kaaran, par vo phone chotta hai or accha bhi nhi chalta , papa ko pareshani hoti hai, fir ye feeling aai yaar dusra hi phone lo kyu pareshan bhi hona recharge pack mehange hote hai toh kya.

Kl hamari train bhi hai mumbai ke liye , Kbc ke auditions ke liye, last time bhi hua tha pr vo delhi me hi hua tha , pr FFF call nhi aai thi. Is baar Mumbai me padd gya. 10k Kuldeep Uncle se udhar liye hai already 5k dene thy ab 15k pending hai. Pta nhi is baar GK bhi paass hoga ke nhi.

Auditions se ghar aate hi main job ke liye apply krunga , ghar mein bahut pareshani hai pese ki, 15k kuldeep uncle ke , 10k rinku k, dene hai . 50k vicky se bhi lliye hui hai pr usne kha hai mt dena.

Kai baar rona aa jata hai aisi life jeete jeete. 

Abhi Cooler ka pump hi kharab ho gya . garam hava aa rhi hai.

Kl se mera mood kharab chal rha hai, nikaama hota jaa rha hu dinbar. Pese ki vase hi kmi hai hai ghar pr. Mera mood kharab hota hai toh dekh dekh ke ghar pr sab ka mood kharab ho jata hai, khaskar mummy ka kl toh Mother's day bhi tha.

or aaj toh paani bhi nhi aaya , choti choti cheeze bhi nhi hai puri life mein, 6 hazar rupye bche hai bs account mein sab ke mila ke 5-6 account hai. Baaki sab mein zero rupye. usme se bhi abhi 7 hazar rupye credit card ke chukaane hai. 

Steno ka exam bhi SSC valo ne jaldi kr diya is baar, vese hi mai tayari nhi kr rha tha , ab toh or bhi nhi kr payunga. Pta nhi kya hoga mera.

Abhi kuch dino se India or Pakistan ki ladai chl rahi hai , Pahalgam attack ke baad India ne Operation Sindoor shuru kiya tha.

Abhi raat ke 2 bje hai kl din me so gya tha toh ab neend nhi aa rhi, jb neend nhi aati toh life ke baare mein thoughts aate rehte hai. Bahut kaam krne hai life mein pta nhi kese pure honge. 

Mera khud se confidence hi hat ta jaa rha hai. 26 ka ho rakha  hu 1 rupya tak nhi kamata. 

Kabhi Kabhi raat ko bahut tez aandhi , baarish aa jaati hai toh bada dar sa lagta hai , or accha feel nahi hota , lagta hai accha ghar hona chahiye , aandhi aate hi upar ki cheek udne lag jaati hai, seedihio mein barish ka paani aane lagta hai.

 Aaj subah der se utha , daily aisa hi ho rha hai, 9 bje tak around, accha nhi lagta pr aadat se majbur hu , vaise hi kuch kaam nhi krta or ye. sokar uthte hi mai pehle ghar ki safai krta hu matlb cheeze sabhi apni jagah pr , mujhe sabhi cheeze apni jagh pr rakhi hona pasand, ast vyasth ghar pasand nhi. Suits roj group  mein daal rha hu pr koi le hi nhi rha. Kai baar lagta hai kese kuch krenge life mein. Nidhi school ja rhi hai pr roz kaam hi itna hota hai ghar pr bhi lagi rehti hai, parents teachers ke call hi aate rehte hai aisi job ka kya faida. or roz pareshan khud bhi hoti hai or hme bhi krti hain, aaj bhi ladai ho gai iski vajay se , Nidhi ko mna bhi kiya hua hai ki job chod de, faida nhi hai, ek or tuition mil jaigi toh sahi rahega, school chodegi toh suit ka kaam bhi dhang se kar sakenge. Isko lekar bahut ladai hui ghar mein. Or aaj bhi nhi padha main time waste kr diya aaj ka bhi. Aaj phone return krva diya flipkart se mangvaya tha, uska refund bhi aa gya. Aaj nidhi ko tuition chodne ke baad main vishal mein chla gya tha, kuch ghar ka saman lekar aaya, ek gas lighter, folks, chopping board, napkin, tava card se hi payment ki thi 633 rs. ka saman aaya. Ye laptop ke bhi battery hamesha km rehti hai bahut jaldi khatm ho jati hai baar baar charger lagana padta hai , isse kisi din theek karana padega.

Bad Habit: Snapchat, Unnessary Time waste.

Life kuch acchi nhi chl rhi, matlab life mein kuch progress hi nhi ho rhi, na job kr rha hun na padhai. Pta hi nhi karna kya hai life mein 26 ho rakhi hai age, kya kuch socha tha life mein but abhi toh kuch achieve hi nhi kr paya , na parents ke liye kuch kiya abhi tak. Steno ki prepration mein bhi concentration hi nhi lagta pura dini bs aise hi time pass mein nikal jata hain. 

Ab KBC 17 ki bhi registraion start ho chuki hai , Mummy ko toh bahut ummid hai KBC se ki isse hi hamari life change ho sakti hai , par mai serious hi nhi ho rha , pta nhi kyu, na mereko kisi bhi cheez mein confidence hai ki main kar payunga ke nahi , Steno ka bhi exam pta nhi nikle ga ke nhi, is tarah ki mein prepration hi nhi kr rha.

Digital Marketing mein bhi kuch khaas nhi kar paya, company mein kisi se meri frndship hi nhi hoti, progress hi nhi kr paya Digital marketing mein bhi. Last company valo ne Dec. 2024 mein nikaal diya tha tab se job hi nhi kr rha, ab toh koi dega bhi nhi.

Steno ki prep. kar nhi rha , na KBC ki , is Steno ke exam ke baad kya krunga, fir age bhi nhi rahegi exam dene ki, Sapne toh bahut hai foreign jana hai , luxury ghar banana hai. Chlo jo hua so hua ab tak , ab concentration krta hu study pr.

Abhi Nidhi Ja rhi hai School and Tuition padhati hai usse hi ghar ki income aati hai, or kuch mummy krti hai. Aaj ek Keypad phone mangvaya tha flipkart se , uska charger hi nhi chala or phone bhi mujhe thoda theek nhi lag rha tha , toh maine return krva diya.

Abhi kuch din pehle AC lene ka soch rhe thy pr nhi liya. Suit 1-2 bik jaate hai muskil se online , par abhi kuch khaas kaam nhi chl rha. Mera na ghar mein tiles lagvane ka mann krta hai pr ,, tiles ka socho toh bed hatna padega, jo tuta pda hai usse hilaya toh tut jayega, toh pehle bed lena padea.